این شعر را با تغییر دادن قسمتهایی از شعر ( اردوبادین وصفی عندلیب قره جا داغی ) به صورت زیر در وصف هادیشهر نوشته ام با پوزش ، امیدوارم که شاعران این منطقه هم اشعارشان را برای انتشار ارسال نمایند
هادیشهرین وصفینده
هادیشهرین نه دئیم وصفی گلستانه ده یر ،
بیر عجب گوشه دی کی ، جنت رضوانه ده یر ،
هر مسافر دئیری ، هند و صفاهانه ده یر ،
ائیله شاهدلری وار حوری و غلمانه ده یر،
مختصر ، آب و هواسی بوتون ایرانه ده یر.
بوتون آرواد، کیشیسی ، کان سخاوت ، نه دئییم،
یوخدو بونلار کیمی بیر مرد شجاعت ، نه دئییم،
گؤرمه دیم بیر بئله مردان عدالت ! ، نه دئییم،
صاحب علم وهنر اؤزگه قیامت ، نه دئییم،
شاعری کان هنر ، حافظ دورانه ده یر.
اؤز پناهیندا گؤروم ساخلاسین اؤل حی معین،
یئتمه سین قامتینه آفت دوران وزمین ،
طول وئرمک نه ضرر، عرض ائدیرم مختصرین،
اؤلا بولمز بونا بیر کس کی ، نجابتده قرین،
رتبه و مرتبه سی خسرو و خاقانه ده یر.
سؤویی ترگان سؤویی داغدان گلیری ، آب حیات،
رتبه ومرتبه سی جمله دن عالی درجات ،
سویو صاف ، ایچمه گه هر جرعه سی بیر آب حیات ،
طعمی خوش ، لذتی یاخشی، مسئله قند و نبات،
بوندان آرتیق نه دئییم، گؤورمه سی، هر یانه ده یر.
جمله اوغلانلاری نین بویلاری سرو چمنی،
گؤل کیمی نازک و زیبا چکیلیبدیر بدنی ،
کت و شلواری قره ، گورسنیر آغ پیره هنی،
یوزلری لاله تر ، یوخسا گول یاسمنی ،
فی المثل، پرتو مهر و مه تابانه ده یر.
نه دئییم آدینی ، سیز بو گلن اوغلانه باخین،
عالمه شعله سالیبدیر ، مه تابانه باخین ،
حسن و گلزار ارم ، جنت رضوانه باخین،
بنی آدم بو دگیل ، حوری غلمانه باخین،
هر دؤنوب باخماغی یوز یوسف کنعانه ده یر.
دئسه لر گرکی ، بو سؤزلر کیمین اندیشه سی دیر،
"صادقینین" گولی تعریف ائله مک پیشه سیدی،
اللری بس دئیه سن رندلرین شیشه سیدی،
دل لری من کیمی بیر تشنه لبین توشه سیدیر ،
لبلرینین گهری لعل بدخشانه ده یر.
تبادل لینک هوشمند